融創配股金額小 低開高走機會大

馬後炮嘅話，融創(1918)股價由今日盤中高位亦即是歷史高位$21.40 pull back 成6%極有可能係已經有人聞到啲咩味道。

收市後嘅消息係根據銷售文件，融創先舊後新配股集資最多42億港紙，每股做價$18.33-19.10，較今日收市價$20.1折讓5.0-8.8%。

今次配股比較搞嘢嘅係集資金額偏細，相對上個禮拜收購萬達13個文旅項目91%股權所需要嘅400幾億人仔杯水車薪，會唔會係有投資者好想成為融創股東，所以斌哥係咁易批啲股俾佢哋呢？

點都好，新股佔融創existing share capital 唔夠6%，所以對EPS稀釋有限。聽日嘅股價走勢，我覺得低開跟住走高嘅可能性比較大，跌穿配股範圍下限嘅機會基本上好微。

融創依家係組合入邊倉位最重嘅股份，聽日伺機進一步加倉。