鬥氣無好處 傷身又傷錢

先旨聲明，在下對法律精細之處一無所知，此文從一般街坊印象出發，更多係講人性而唔係講法律。

波叔涉誹謗一案，對一般市民嚟講第一樣唔明呢D似乎只係八婆嘢，點解搞到上終審，終審唔係應該只理宪法同重大公眾利益咩。

第二樣嘢，香港係超級富豪和窮人適合打官司，超級富豪幾千萬成億冇乜所謂，窮人攞法援，中產無論係邊個級數嘅中産就千祈唔好學人去打官司，盞益XX黨啲狀棍。

第三樣先係今日主題，就係為人不要鬥氣，鬥氣不但費時失事，而且累荷包，損壽命。氣大傷身不是說著玩的，與人相鬥，唔理係街坊、同事、親戚、朋友，縱使不至於兩敗俱傷，也不免耗去許多精神、元氣。如果為的還是一些雞毛蒜皮啲小事，例如波叔呢件事，就更加唔值。

其實投資同樣道理，有些投資者認死理，覺得呢只股票我慧眼獨具，明明嚴重低估，買入一年半載唔單止升唔起，仲要跌穿入貨價好多。然後就一路和市場鬥氣，覺得一定係市場錯價，而不去反省自己是否當初作出買入決定時犯了錯。結果擇善固執變成執迷不悟，呢種鬥氣嘅結果自然係累荷包。

要避免鬥氣，我有一秘訣，十四個字：蝸牛角上爭何事，石火光中寄此身。鬥什麼呢？！