悠着點

唔驚唔覺已經調整咗兩個星期， 恆指落2%，國企指數連跌7日累挫3.7%。依家要做嘅係唔好做太多嘢，盡量保持耐心， 後發先至往往除笨有精。

策略上應該耐心等強勢股出現調整，同時趁業績期評估前景。舜宇光學(2382.HK) 13號出全年業績，騰訊(0700.HK)和吉利汽車(0175.HK) 22號。

至於調整到幾多，而家似乎人人望緊23,000，但大家都咁望通常一係唔到一係就穿，呢啲參考就算。 以依家市場情緒仍然偏向少少樂觀（純個人感覺）睇，似乎穿嘅機會比較大，所以依家要做嘅都係盡量提高現金水平，藝高膽大甚至可以做少少對沖。

當然可能睇錯， 恆指高位調整五六百點就已經調頭向上。但睇錯唔緊要，到時追過即是。都係嗰句，後發先至往往好過先知先覺，因為眾人皆醉我獨醒好多時候都會變成懶醒。