騰訊技術沽壓 趁機部署反攻

呢排一個好有趣現象係港股嘅騰訊(0700)表現跟唔上美國上市嘅ADR。禮拜三香港打風停市，騰訊ADR兩日升到去差唔多333、334，但係尋日復市淨係收327。

呢種“低水”情況應該同8月16號恒指服務公司季度檢討調低騰訊在藍籌比重有關，股王嘅比重將由11.36%降低至10%，有關變動9月1日下星期五收市之後正式生效。

呢個變動將會帶來一D技術性沽盤，騰訊依家嘅“低水”情況正正反應緊呢種預期，未來幾個交易日騰訊如果有回調可吸納，部署變動完成之後嘅反攻。

騰訊16號公佈業績後17號曾經去到341蚊歷史高位，呢個係反攻目標。