舜宇創新高 投資講耐性

舜宇(2382)今朝創歷新高75.6，今年至今升127%，拉長到三年睇嘅話升咗六七倍。不是沒有好的股票，而是長相廝守太難。

今年對組合貢獻最大嘅四隻股票係騰訊(0700)，吉利(0175)，融創(1918)和舜宇，其中吉利和舜宇都出現太早沽清嘅情況。吉利13-16元分段沽清，後來17.5補回一小部分；舜宇50幾蚊全部賣曬，然後貴咗十幾蚊60幾買番。如果坐定定今年嘅回報會更加好。

下半年凈低時間點樣進一步修煉自己坐貨嘅定力係一個重要任務，基礎當然係對坐嘅貨有充分瞭解，從而建立信心，其次係訓練定力。自己性格其中一個缺陷係缺乏耐心，江山易改本性難移，要係培養耐性上面狠下功夫。

講番舜宇，依家57倍歷史市盈率，但係係盈利仍然高速增長情況之下最多可以講係唔平但就唔係貴，儘量坐耐啲至少等佢中期業績出返再做評估。市值過了800億，繼續向藍籌目標邁進。