恆指季度檢討 舜宇奧園在望

下個禮拜三嘅恒指服務公司季度檢討，由於百麗因為私有化已被剔出藍籌行列，呢次季檢將會有一隻新晉藍籌。個人偏好梗係組合第二重倉嘅舜宇光學(2382)入圍，無論從市值、成交活躍度、行業特色同埋公司成長性嚟講，舜宇都當之无愧。如果成功晉身藍籌，呢個將會係今年內第二間浙江公司獲此殊榮。

另外，恒生綜合指數旗下嘅大中型及小型股指數成份股亦有可能調整，改寫港股通買賣名單。個人主觀願望希望奧園(3883)更上一層樓，成為港股通可以買賣嘅股份。奧園目前持股組合第三。

騰訊朝早掂到歷史新高333蚊之後回調，中午收部327，跌唔夠1%。貴則貴矣，奈何仍是大量資金追逐有限優質資產，大漲小回格局未變。