開始調整

短線應該開始調整， 至於調整幾耐幾深或是已經見頂就見步行步。

調整其實有跡可尋。首先嗰市已經非常超買，有啲股票year to date嘅升幅已經頗誇張，譬如吉利汽車(0175.HK)同埋舜宇光學(2382.HK)唔夠兩個月升咗差唔多50個percent，業績再點樣好都應該喺股價度反應咗唔少。

其次，業績期拉開序幕，而已經公佈咗業績嘅藍籌東亞銀行(0023.HK)、聯想(0992.HK)同埋匯豐(0005.HK)以及非藍籌例如中芯(0981.HK)嘅業績都強差人意，可能預示咗今期嘅業績都唔可以太過樂觀，亦都加大咗調整嘅壓力。

第三，最近亦都有啲公司股東開動抽水機，例如俄鋁(0486.HK)同埋高偉電子(1415.HK)，呢啲通常是調整的前奏。

面對調整一定要保持靈活性，通常我嘅做法簡單啲，就係保持比較高嘅現金水平。支持位又唔使太複雜嘅，望一望23800先，跟住再睇23500。 至於做淡咁嘅高難度動作，去到極亦都係大大聲細細注，咁高難度動作通常不做為妙。