Apple與Nike

蘋果挨近歷史高位，即使唔走去沽空，亦都絕對唔會買佢。

我喺大學時期即是90年代初開始用蘋果電腦，一路去到16年我部iMac用咗三年幾自己死咗。下一部電腦我會轉用Windows，呢個轉變連我自己都有啲驚訝。

蘋果嘅問題在於缺乏創新，大家可以諗諗Steve Jobs過世之後，蘋果有邊一樣產品係令人到wow一聲呢？ 答案係無。

任何一樣產品無論你做到幾精美幾極致，係呢個 fast consumption嘅年代，如果你一年兩年三年都係因循守舊，呢樣產品嘅壽命都唔會長久。

係，我係講緊iPhone。 我有好多大陸朋友呢一兩年已經由iPhone轉用華為。 而大陸正正就係蘋果呢幾年喺產品嚴重缺乏創新之下盈利仍然得以維持增長嘅重要來源。

係我睇來，蘋果的問題和Nike一样，就係坐係度食老本。 我著咗Nike成廿年，但係呢幾年佢嗰種lack of innovation嘅情況同蘋果如出一轍。就攞Jordan Brand嚟講，係咁不斷復刻復刻再復刻，但係旗下球星嘅幾條線如Melo CP3 Super.fly唔單止冇進步，甚至係嚴重退步， 同Adidas形成鮮明對比。

如果投資者有持有蘋果或者Nike嘅股票，我諗可能真係係時候認真諗一諗係唔係要同佢揮手講拜拜。