市況冷靜兩睇 多看少動為主

昨日市況發展，以萬達、復星(0656)嘅江湖地位出現閃崩，市場反應算係好冷靜。一幣永遠兩面，咁冷靜可以係市底好，亦都可以係缺乏戒心。臨近半年結，加埋個市係由一月一條龍升到六月，唔排除有人計數離場，因此都係保守一點好。

自己組合都仲係揸差唔多一半現金，呢段時間冇乜大動作，觀察為主，如果市況發展真係向下就準備擇肥而噬。買什麼就來來去去都係嗰果幾隻。天王騰訊(0700)自不待言，等六月銷售係唔係爆seed嘅融創(1918)，吉利(0175)如果有機會返番接近14蚊，逢低吸納的舜宇(2382)，主力打防守嘅佐丹奴(0709)等等。金隅(2009)和禹州(1628)則是近日短炒甚至即日鮮嘅恩物。

佐丹奴言必行，昨日隨即展開回購。

昨日下了一注基本注路勁(1098)，近日新聞多多，包括分拆公路業務上市。冇計過數，今日試下計過條數。