一笑置之

所以說從來不必迷信權威，像這種樓市爆煲仲要實牙實齒一年至一年半爆仲要衰足30年的言論，除了吸睛實在想不出還有什麼其他功用，出自一個所謂前銀行大班的獨立經濟評論員之口更是得啖笑。

雖說不必因“行”廢言，但以該行在花旗國subprime一鑊熟往績以及近年服務屢受詬病，也實在令人搖頭三嘆。

當然總有永恆悲觀者會拍爛手掌，奉廢噏為忠言逆耳。沒辦法，夏蟲不可語冰，就好像中國爆煲論唱足三十年而未爆但永遠不乏捧場客。

正確態度是，如果樓市真係跌一半，你會不會買。永遠不敢追，跌則低處未算低，船頭驚鬼船尾驚賊，那就永遠別上車。

03沙士話唔知會唔會死所以唔買樓，05美國加息等跌回沙士價，07港股直通車炒下股票先，08全球金融海嘯沙士價有望，跟住QE 1 2 3......跟住辣招 1 2 3......跟住就2017。繼續等，樓市一年至一年半爆煲，地獄之門已打開，仲要衰足30年，咁成世拒絕做樓奴嘍。一Ｄ問題都無，只是，不要complain無地方扑嘢。